25 студзеня суд Партызанскага раёна адмовіў у скарзе абароны Максіма Знака на падаўжэнне тэрміну зняволення да 9 сакавіка. Адвакат Дзмітрый Лаеўскі пракаментаваў вынікі пасяджэння і расказаў, чым займаецца Максім у СІЗА.
– Як юрыст Максім спадзяецца, што прававыя працэдуры пачнуць некалі працаваць і даваць людзям абарону. Максім мужны чалавек і перадае ўсім – не падаць духам. Максім адчувае падтрымку, бачыць яе ў лістах, ведае, што мноства людзей думае пра яго, – расказвае Дзмітрый Лаеўскі.
Абарона будзе абскарджваць рашэнне Партызанскага суда ў вышэйшы суд і працягне змаганне за Максіма.
Дэталі – у відэа.
