Сёння ў нас прайшоў традыцыйны стрым з навінамі штаба. Чытайце асноўныя тэзісы!
Што з Віктарам Бабарыкам?
Галоўная навіна: з Віктарам Дзмітрыевічам усё ў парадку, у яго сёння быў адвакат. Ягоны падабаронны здаровы, бадзёры і гатовы да далейшых дзеянняў.
Аб рэферэндуме
Пры садзейнічанні Аб’яднанай грамадзянскай партыі была пададзеная заяўка на правядзенне сустрэчы па абмеркаванні рэферэндуму. Плануем правесці яе ў парку Дружбы Народаў 12 ліпеня. На бягучы момант мы чакаем узгаднення з гарадскімі ўладамі. На сустрэчы мы хацелі б правесці грамадскае абмеркаванне канстытуцыйнай рэформы і пагутарыць аб усіх вашых прапановах па пытаннях рэферэндуму.
Аб сіле салідарнасці
Наш штаб выражае вялізную ўдзячнасць усім людзям, якія падтрымліваюць нас анлайн і афлайн. Гэта неверагодна важна, бо паказвае што мы з вамі — адно цэлае, адзін народ. Менавіта вашая падтрымка, вашае жаданне нешта змяняць натхняюць нас. Мы нярэдка чуем, што мы — вашая надзея, але насамрэч менавіта вы даяце нам гэтае гэтае цудоўнае пачуццё. На сённяшні дзень сістэма настолькі некампетэнтная, што ўсё добрае, што адбываецца ў краіне, адбываецца не дзякуючы ёй, а насуперак. Адбываецца дзякуючы намаганням актыўных людзей і іх ініцыятывам. Нават тое карыснае, што робіць дзяржава, робіцца дзякуючы ўсім нам і нашаму ціску.
Што нам усім цяпер рабіць?
Пакуль нашая галоўная задача — данесці сістэме, што яна нас не задавальняе. Рознымі спосабамі выражаць сваю нязгоду. Не цярпець. Пісаць скаргі ва ўсё органы ўлады. Казаць дырэктару школы, што вы з ім нязгодныя. Казаць участковаму, што з ім нязгодныя. Распаўсюджваць інфармацыю, размаўляць са сталымі людзьмі, у тым ліку і ў Аднакласніках. Дзяржава робіць штосьці для нас толькі пад нашым ціскам. Мы павінны працягваць ціснуць і ўказваць сістэме на тое, што такая яна нам не патрэбная. Нас большасць, і змены — немінучыя.
Аб нерэгістрацыі Валерыя Цапкалы
Гэта абуральна. Абуральна, што моцныя альтэрнатыўныя кандыдаты, у якіх свой погляд на развіццё Беларусі, якія сваёй працай даказалі свае прафесійныя здольнасці, не рэгіструюцца. Абуральна, што ім не даюць нават магчымасці выйграць або прайграць у сумленнай барацьбе. Мы выражаем салідарнасць штабу Цапкалы. Мы ведаем, як нам усім цяжка працаваць у гэтых умовах. Трымайцеся і не здавайцеся.
Калі можна будзе пабачыць праграму? Які наступны этап?
Асноўныя пункты праграмы ўжо вызначаныя і дапрацоўваюцца цяпер групай экспертаў. Але паводле заканадаўства работа з праграмай можа пачацца толькі пасля 14 ліпеня, пасля рэгістрацыі кандыдатаў.