Мы выязджаем з Мінска! На наступным тыдні адбудуцца першыя паездкі Віктара Бабарыкі па гарадах Беларусі. Прэтэндэнт у кандыдаты сустрэнецца з сябрамі ініцыятыўнай групы і мясцовай прэсай.
“Нам вельмі трэба данесці інфармацыю ў кожны рэгіён і дом. А галоўнае — пачуць голас рэгіёнаў і глыбінкі. Сапраўднай, а не сталічнай Беларусі”, — падкрэсліў Віктар Бабарыка.
Першымі будуць абласныя цэнтры — Віцебск, Гомель, Магілёў.
Даты і месцы сустрэчаў мы аб’явім у бліжэйшыя дні.