Яшчэ 10 верасня Марыя падавала заяву пра ўзбуджэнне крымінальнай справы, называючы ўсе імёны і пасады людзей, якія арганізавалі яе выкраданне, пагражалі ёй і сілком спрабавалі вывезці з Беларусі.

Следчы камітэт вырашыў не разглядаць заявы Марыі, а перадаў яго ў Міністэрства ўнутраных спраў. МУС адмовіла ва ўзбуджэнні крымінальнай справы.

«Увага! Рашэнне ўзбуджаць ці не ўзбуджаць крымінальную справу прымае «Міністэрства», чые замминистры асабіста арганізавалі і здзейснілі гэтыя злачынствы.

27 студзеня я атрымала адмову ва ўзбуджэнні крымінальнай справы. Ці здзіўленая я? О, не! Там, у кабінеце Карпянкова, спадары Казакевіч і Паўлючэнка ва ўсіх дэталях расказалі, што мяне чакае, калі я не пакіну краіны: СІЗА, турмы, зневажальныя агляды, падарванае здароўе, забыццё. Я забудуся пра кнігі (Харары, Хокінг, чао!), пра музыку таксама, бо мне пераломяць пальцы, праз месяц пра мяне ўсе забудуцца. 25 гадоў у калоніі, дзе я буду яму (Казакевічу) форму шыць, якую ён будзе апранаць па адменных нагодах. Так што не, не здзіўлена.

Я буду далей звяртацца ў Генеральную пракуратуру, у суд, а вы можаце яшчэ хоць 10 спраў на мяне завесці. Вас гэта ўжо не выратуе. Вы гэта зрабілі — вы гэта ведаеце, я ведаю, вашы міністры ведаюць, кіраўнік дзяржавы ведае, калегі і суўдзельнікі ведаюць, сведкі (а іх нямала), вашы дзеці ведаюць, жонкі, вашы бацькі, сябры і блізкія. Вы гэта зрабілі!», — адзначыла Марыя Калеснікава.

Яшчэ навіны

Падзяліцца

Menu
Мы хотели бы показывать вам уведомления о последних новостях и обновлениях на сайте
Dismiss
Allow Notifications